Concurso público para a remodelación e ampliación do antigo Consulado Danés no Barrio de Vallcarca para a súa conversión no Casal de Barrio Canals i Yunyer.
A proposta xoga co contraste volumétrico entre a ampliación e o edificio existente do consulado. Unha masía datada en 1860 de rotunda presenza e definición arquitectónica, polas súas cubertas, beirados, cornixas, remates, balaustradas e detalles.
A ampliación do edificio concíbese, así como unha antítese tectónica á masa construída da masía. Un volume de luz, vidriado cun muro cortina portante en tódalas fachadas e que remata nun patio inglés nas cotas inferiores.
A verticalidade da súa estrutura prefabricada responde o formato de aberturas do edificio principal, feito identitario en ámbolos dous volumes e que xera a súa unidade.