Concurso público para a creación dun centro de asistencia integral: a recuperación dos Xardíns de Can Ferrero por medio da construción dun novo equipamento público, de gran necesidade para o barrio da Marina del Port.
Un edificio permeable, punto de encontro de doado recoñecemento, volume de aire e luz fragmentada materialmente ligado ao hábitat do parque. Unha arquitectura que funciona como atrio climático co acceso a triple altura onde a luz cenital é tamizada e circula a ventilación natural.
A envolvente forma unha dobre pel que quere ser zona de transición paisaxística, térmica e acústica. Lugar para colocaren prantas, macetas e vexetación trepadora coa vocación de converter o edificio algún día noutro animal vivo do parque.